♡الخلاف الأولى♡
الجميع يتفق أننا نحب أولادنا..و كذلك أولادنا..
والخلافات الظاهرة بيننا هي عبارة عن اختلاف نابع من فارق سن.. فارق خبرة
و الاعتراض منهم على التدخلات حق مشروع… وتوجيههم للمصلحة حق أيضاً مشروع…
وفي ♡مامتي♡فقعت♡مرارتي♡
نعرض الخلافات في اطار خفيف…سريع
في نقاش… وحوار ديمقراطي…يجب أن يكون في كل البيوت وبين كل الأفراد…
مع عرض وجهات نظر كل جيل…لعلنا نصل إلى نقطة التقاء…
♤جريمة السفر♤
? مامتي…مامتي…ماااااامتي??
مامتي الحنية… والطعامة والمهلبية
عندي لكي مفاجأة?قوية..
?مفاجأة.. و كمان طقم حنية.. أستر يا رب..
?أنا مسافرة مع جوزي، وهسيب ولادي الملايكة… عندك اسبوع.
? بجد … انتي بتهزري صح…تسافروا أسبوع ومن غير ولادكم وده اسموا كلام ..
انا وابوكى عمرنا ما سفرنا لوحدنا من غيركم إلا للحج ..أنا رافضة الفكرة الغريبة ده.
? يعني إيه رافضة… عايزة تبقي تيته ببلاش كده…مش دول اللي قعدتي تزني عليا اخلفهم بسرعة.. و لما ازعق لحد فيهم او اضربه تتخانقي معايا خليهم ينورولكوا البيت شوية.. و يوفروا فاتورة الكهربا اللي بابا بيشتكي منها..
? يا بنتي المسألةمش “تيته؛ وناناه” هم ولادك يعني مسؤوليتك.. محتاجين يتفسحوا معاكوا… والسفر معاكى .. و يلعبوا مع ابوهم…
?وايه المشكلة لما اسفر من غير ولادي انا محتاجة ارتاح؛ هم نفسهم لما يكبروا هيحبوا السفر من غيري..ومش هايحبوا
اكون ملازماهم طول الوقت يبقي ليه يبقو زي ضلي كده.
?ترتاحي ايه يا بنتي.. هو انتي شغالة في الفاعل دول عيالك دول ملايكة انتي
بقتى أم تنسي خالص نفسك كله لولادك وجوزك وبيتك…وشوية لأمك?ازاى يجيلك قلب تاكلى وتشربي وتنامى وهما مش معاكى…
بس شيلي ايدك بطلي تلقطي قولتلك مية مرة الست المحترمة ماتلقطش وهي بتطبخ..
تسافري قال … راحة قال … دى مش راحة…ده أسمه هروب؛ ولما يكبروا يعنى اعترفتِ انهم صغيرين يعني محتاجين حضنك، لازم تعرفي عنهم كل التفاصيل.
?ماهو حضني وحضنك واحد وبعدين ولادي ملايكة…
خالي بالك انا لو مسافرتش معاه هيسافر مع زمايله؛ و ممكن يكون في بنات هيبقي حلو اما يتجوز عليا اطلق انا بقا عشان حضرتك مش عاوزة تتعبي عشاني اسبوع صح.
? يسافر مع زمايله؛وهو كمان ممكن يعملها من غيرك.. وولاده … ايه ده ابهات أخر زمن… الله يرحم ابهات زمان كانوا بيحجزوا مصايف لولادهم ونسافر كلنا أهل و جيران و زمايل… لمة، وفسحة، وضحك ومتعة.
انتم بقيتوا انانين بنات ايه وشباب ايه انتم جيل غريب و عجيب…
وبعدين تعالى هنا لازم يكون في ثقة فيه بلاش هبل وعبط وعدم ثقة في نفسك.
يتجوز يعني سفرك هايمنع ده .. لو عايز مش ها يفرق وجودك من عدمه.
يا بنتي مش مسألة تعب..أنا مش هاضمة فكرة السفر من غيرهم.
?مش كل الناس زي بابا او زيك دلوقتي العالم انفتح وشخصياتنا مختلفة؛ واصلا انا بقيت بهتم بالولاد؛ ونسيت نفسي هو شايف الناس الي برا البيت طول الوقت قمرات و شايف البنات الشقرا و اللي ضاربة بوتكس و نافخة و شافطة…. وشايفني شعري منكوش ورافعه حواجبي زي الساحرة الشريرة وفي ايدي عصاية المقشة بجري وراهم… وطول الوقت زعيق.. خناق.. صوت عالي …
?هو الصح بقى فيه اختلاف هو العالم انفتح يعني ايه بقى يا ستي العالم انفتح دي هو كان مقفول علينا و احنا جوه و مش دريانين..
وبعدين زعيق مش بتربي ولاده.. المفروض يفرح..
انتم بقيتم ازاي كده.. يالا نفسي عايزين تختلفوا عننا… عايزين تمشوا بدماغكم والسلام..
اخترعتم… حاجات تبعدكم عن ولادكم.. تفكك في لمة الأكل.. الفسحة .. الفرحة
بدوروا على تريح الدماغ…
وبعدين بقيتي مبهدلة فى نفسك… ايه العباية ده.. ايه اللبس ده..
الغلط عندك؛ كانت زمان الست بكامل اناقتها …شياكة .. ذوق … رقة.. صعبتم الحياة على نفسكم..
الستات… تصح بدري.. تخلص كل اللي وراه.. يجي جوزها يتغدوا.. يلاقيها قمر
اومي… هاتيلى بوق مايه…
اه يا بنتي يا اللي وجعتي قلبى ودوشتى دماغي…
خلاص أمري لله سافري و انبسطي وسيبى حبايب نانا الملايكة..قومي بقي وجعتي قلبي.. ورفعتي ضغطي…
? شكرا يا مامتي… يا حبيبتي…..ياست الحبايب… تستهلي بوسة وحضن كبير…
اه كنت هانسه… الورقة ده فيها عنوان الشاليه… تمام … ألحق أنا أحضر الشنط
سلام يا ملايكة… شقاوة لاء… سلام يا مامتي…
?يالا…. ياقلب ناناه وحبايبها …يا ملايكة… انتم اجهزوا نانا هتخرجكم..
و نتفسح وننبسط…
ماما…ماما…. ايه ده كابوس ده يا ربي ايه اللي جابكم هنا يا ولاد ازاي جيتوا
مع نانا…ايه بجد…هي فين؟
اه طبعا… ناناه هو في غيرها هي فين طيب؟
موجودة واقفة عند البحر… سبقتنا
? بجد…اه يا مامتي يا اللى فقعتي مرارتي.
عمرنا ما هنوصل لحل دايما كل حد فينا في عالم.
*و دايما يا مامتي فقعالي مرارتي.*
❤بقلم الأم/ منال سناء
❤بقلم الابنة/ لمياء عثمان
