❤رسالة حب من أم❤
رسالة من أم لأبنها شهيد الوطن
شهداء” الشرطة “و ” الجيش “
اليوم عيد الحب❤ و بالحب أهديتك للحب الأكبر “مصر” سلمتك لها عريس..أحلى عريس
أنت يا زهرة العمر… بكل حب أهديت روحك للحب الكبير….
❤ابني ونور العين ❤ السند والأمل في الغد.. راح الأمل وراح الحلم وأنطفئ نور العين..قاسية جداً لحظة فراقك يا ظهري يا عزوتي
من يوم فراقك وأنا في انتظار سماع صوتك ..صوتك واحشني يا إبني..
أنام … وأصحو على صوت ضحكتك صورتك في حضني غرقانة بالدموع
يا حبيبي حرموني منك لو كنت أعرف أنك هتبعد عني كنت سبقت وكنت معاك في كل مكان.
حبيبي.. أنا علي سريرك وسط ملابسك وبدلتك الميري عليها دم طاهر ..غالي
عطرك على الوسادة معبأ المكان عطر دمك معطر أركان البيت.
حبيبي الغالي.. زهرتك في غرفتك ترويها دموع العين هي حزينة زي أنا يا إبني
ليل و نهار.. اكلمها شايفة ملامحك فيها وفي كل ورقة من وريقاتها ياغالي عصفورك رحل وترك القفص باحثاً عليك.
يا نور العين إنتظرني مش هتأخر عليك جايه ومعايا كل اللى بتحبه عمايل إيديا وحياتك يا غالي.
استودعتك أمانة عند خالق الخلايق هو رحيم وكريم. ربي كريم قبل الهدية مني.
فاتت سنة ومن وراه سنة وكمان سنة روحك معنا فى كل مكان سامعة صوتك بيناديني يا نور عينى بيوصيني علي صحتي وبيقولي كل الحبايب بتهنيك ما انتي طبعا أم البطل الشهيد.
(أنت الشهيد وأنت الشفيع والولد الصالح يا نور العين يا نبض أمك يا غالي اشفعلي يوم التلاقي ياضنايا وضى العين).
معايا باقة ورود هدية من أمك مصر أرسلت بها إليك.. تحية فخر..شكر
ولك منها.. برقية مع الباقة
ابن مصر البار …لن أنساك… لولا دمائك التي تسير في جسدي كنت أصبحت جثة…و ضاع كل أولادي..بالنيابة عنهم أشكرك على ما قدمت…
إمضاء – أمك الفخورة بيك.
