♡الخلاف الثالث♡
الاختيار مهمة صعبة… ويقل صعوبتها عندما يكن هناك مساعد ذو ثقة… يقع تحديد الاختيار السليم على عاتق المسؤل الأول..الاسرة… والخلاف بين الأهل.. والأبناء..يفسر من جانب الأبناء تحكم.. فرض سلطة.. وصايا
ومن وجهة نظر الأهل…حماية…تعليم ..
والحديث اليوم عن مهمة اختيار كتاب مناسب للقراءة يضيف لك…
♤عبيـــــــر♤
?مامتي…مامتي..يا مامتي..
?نعم… يا أخرة صبري.. خير في ايه دوشة..دوشة..
?عايزة فلوس ….
?ليه انتي لحقتي تخلصي مصروفك.. نفسي أعرف فلوسك بتخلص في ايه
وكلة..نايمة..لابسة..نت ببلاش.
?ايه يا مامتي بشويش ضغطك يترفع
والرز يشيط..
?بت اخرجي من هنا..
?طب عايزة فلوس..مش أنا قلتلك.. اني وصحباتي رايحين معرض الكتاب..وعايزة اشتري روايات وكتب..
?يا جمالواا…يا حلاوته… بنتي نور عيني مثقفة..مش مصداقة ..شكلي بأحلم..
?مامتي … ده حقيقة حتي اهو كمان
?اه.. وجعتيني…
?عشان تصدقي انك صاحية…وتفرحي بيا..
?روحي هاتي شنطتي من جوا…
خدي حلوين دول..
بت احولاتي ليه تصدقي مش هتبطلي الا لما عنيكي ماترجعش تاني..
ايه ده..بتهزري..دول مايجيبوش مجلات ميكي..
?عايزة فلووووس مش فكة اشرب عصير.
?خدي..يا أخرة صبري..حبة كتيرة أهي بس يكون في معلومك كتب أبراج لأ.. طهي أوعي..تجميل. موضة إياكي.. روايات حب بموتك…
?بس خلاص… خدي فلوسك مش نازلة..
?بتغضبي عليا… عنك مانزلتي هو كده إن كان عاجب.. بنات آخر زمن.. روايات رومانسي وحب ونحنحة قال..
?مامتي في سؤال محشور هنا في زوري..
على فكرة كان على أيامك روايات عبير هاه..ماشي..
?بت …انتي يابت بتقولى وتجري افتحي الباب يا حلوة ياروح مامتك من جوه..
?افتح زي كل مرة وتشدي شعري وتلفيه على ايدك لأ.. أحلفي الأول.
?مش حالفة وافتحي أحسن انتي حرة
أيوه كده شطورة يا نورا…بشويش كده هاتي ودنك واسمعيني كويس.. اه كان في اللي ماتتسمى عبير بس البنت المحترمة لا يمكن تشتريها ولا تقراها.. ولا حتى تستلفها من صحبتها..
?يعني يا مامتي اشترى انهي كتب عشان اقراها..كتب ألغاز ولا كتب تاريخ الفراعنة..والله حرام…بجد كفاية التعليم
ده كتب تسالي..
?يا بنتي مش معترضة اتسلى بس يكون بهدف..تخرجي بعد القراءة بمعلومة.. بفايدة..
?حاضر يا مامتي..أنتى تؤمري أمر..
عادت البنت ومعها مجموعة لا بئس منها من الكتب…
جلست وفتحت الشنط وسط ذهول الأم
?استغفر الله..لا حول ولا قوة إلا بالله
ليه كده يا بنتي…ايه الاسامي ده.. بقى ده اسم كتاب..ازاى كده ده شتيمة
فين الرقابة..ازاى موافقين على الاسامي ده.. معقول في كده..
?لو تعرفي أصلا الزحمة عليهم وباعوا كام..اصلا ده النسخة السابعة كل النسخ خلصت من الاسبوع الأول..
للعلم اللي ماشي هما دول وكمان الرعب
?رعب…هو انتم ناقصين..اسفاف وشتيمة وألفاظ مبتذلة.. وأنا اللي كنت معترضة على الموضة والطهي..
الله يرحمك يا أمي تعالى شوفي حرمتيني من عبير.. طلعت عبير عالية الاخلاق.. ظلمنا عبير وروايات عبير..
سمحينا يا عبير..
جيل يرفع الضغط ويشيل الهم..
نورا…يانورا..
هاتي الكتب ده وتعالي ورايا ….
دخلت الأم على البانيو رمت الكتب وعليهم الجاز والكبريت وفتحت الحنفية
ونورا مذهولة..
?اه يا فلوسي…يا فلوسي
?شكراً…يا مامتي
عمرنا ما هنوصل لحل دايما كل حد فينا في عالم.
*و دايما يا مامتي فقعالي مرارتي.*
❤ بقلم الأم/ منال سناء❤
❤بقلم الابنة/ لمياء عثمان❤
