يوميات أبو العيون
الحلقة الأولى
استيقظ ابو العيون مفزوعا على صريخ زوجته عطيه فنطق بهدوء ومازال النعاس يداعب جفونه : في إيه يا وليه !
فردت عطيه : اتأخرت على الشغل يا موكوس .
فسألها : ليه هي الساعة كام دلوقتي ؟
فأجبته : الساعة بقيت ٨ قوم يا بروطه هيشطبوا عليك .
قفز عطيه من على الفراش وكأن حيه لدعته ثم صرخ فيها : حرام عليكي يا وليه سيباني نايم لحد دلوقتي .
رددت ببرود : راحت عليه نومه .
فقال معاتبا : يا وليه حرام عليكي كل يوم اروح الشغل متأخر ويشطبوا عليه .
فرددت بضيق : هو انت عيل صغير اعتمد على نفسك .
ثم تركته وانصرفت اما عن عطيه فركض إلى الشارع حتى يلحق بعمله ونسى أنه مازال مرتديا بيجامة البيت وشبشب ابو صباع في قدمه فدعا على زوجته بنبره صادقه : منك لله يا عطيه .
وصل ابو العيون إلى العمل متأخرا كعادته اقترب من دفتر الحضور التقط القلم الأزرق وقبل أن يمضي في دفتر الحضور اكتشف ان اسمه شطب عليه بالقلم الاحمر فصرخ في مسئول دفتر الحضور والانصراف قائلا : حرام عليك كل يوم تشطب عليه .
فرد عيد : ابقى اصحى بدري يا خويا ولا انت فاكر نفسك في عذبه ابوك .
نظر له ابو العيون بشزر ثم قال : حسبنا الله ونعم الوكيل فيك انت وعطيه .
الي اللقاء مع الجزء القادم يوميات ابو العيون
بقلم محمد السيد
