يوميات أبو العيون الجزء الخامس

#يوميات_ابو_العيون
#محمد_السيد
الحلقة ٥
انتقلت أسرة ابو العيون إلى المستشفى عوض في غرفة العمليات عطيه تبكي على ابنها بحرقة فرج يجري في الردهة وكأنه يلعب في الحارة ابو العيون يبحلق في الممرضات وكأنه لم يرى نساء من قبل وبعد وقت طويل يخرج الطبيب من غرفة العمليات توقفه عطيه مستفسرا : ابني عامل ايه يا دكتور ؟
فيرد الطبيب بجليطه : دي محاوله انتحار غريبه ابنك واخد سم شديد المفعول بس الحد لله ربنا سترها .
فتقول عطيه بثقة : بس ده مش سم دي عين ابو العيون .
ينظر لها ابو العيون بشزر فتصمت عطيه ، ينصرف الطبيب مكملا عمله وينقل عوض إلى غرفة العناية المركزة تذهب عطيه وابنها فرج إلى عوض ليطمئنا عليه اما ابو العيون يظل مكانه يبحلق في الممرضات ، تمر ممرضه جميلة من جواره يوقفها ابو العيون قائلا : ممكن اسالك على حاجه يا دكتوره .
فترد الممرضة قائله : على فكره انا ممرضه مش دكتورة .
فيعلق ابو العيون : لما الممرضات يبقوا حلوين اوي كده امال الدكاترة يبقوا عاملين اذاي !
فترد الممرضة بضيق : حضرتك عايز تستفسر على حاجه ؟
فيرد ابو العيون : اه عايز استفسر ؟
فتساله الممرضة بضيق : اتفضل اسال ؟
فيسالها بجرأة : هو انتي حلوة كده ليه ؟
تنظر له الممرضة باحتقار وتنصرف يتفحصها ابو العيون قائلا لنفسه : هي دي الستات ولا بلاش مش عطيه اعوذ بالله .
وقبل أن يكمل جملته تقع الممرضة من على السلم فتصرخ بهستيريا فقد انكسرت قدمها لتوضع في الجبس لشهور وتصبح واحده من ضحايا ابو العيون .
إلى اللقاء في جزء قادم من يوميات ابو العيون .