دبل الكلام..
وماعدش فاضل غير سلام
من غير ما تتلاقى الإيدين
والإجابة دايما تمام
والاهتمام..
أصبح في موسم الجفاف
وبقيت بخاف.. تترسم
ع الخد بسمة.. فابتسم
ف تبني بينا من الفراق ألف سور
والقلب مليان بالكسور
مع انه يبان مكتمل
وماعدش فاضل غير سلام
من غير ما تتلاقى الإيدين
والإجابة دايما تمام
والاهتمام..
أصبح في موسم الجفاف
وبقيت بخاف.. تترسم
ع الخد بسمة.. فابتسم
ف تبني بينا من الفراق ألف سور
والقلب مليان بالكسور
مع انه يبان مكتمل
وبقيت بخاف العين تدمّع
أو حتى اصرخ صرخة تسمّع
في الضلوع
ف تحسي منها إني بَطْلُب الرجوع
وان القلب أصبح ضعيف
ورقة طايرة ضمن أوراق الخريف
ف تركبيه كحصان خشب
وياريت القلب كان خشب
لا كان هيفرق معاه شروقك من غروبك
ولا كان هَيِتْلَف بتوبك
ولا كان هايتحمل عيوبك زي البشر
دا حُبك داء وانتشر
في خلايا القلب والروح
و مالوش علاج لو صاب بشر
غير بتر الروح.
من ديوان”الفاترينة” ديوان بالعامية المصرية للشاعر محمود صبحي بمعرض الإسكندرية الدولي للكتاب 2019.
