ناكش و بتنكش منكوش
قافش و بتقفش مقفوش
و قديم و بتلبس طربوش
معدتشى عملتنا قروش
حالق و منفض و تمام
طالع و بترجع قدام
و شريطك صابه البرشام
وشيرين بدلوها بأحلام
شارى و باقى الناس يبيعوك
بترقى مقام اللى خانوك
طلعو ف حفرتهم زقوك
مين هيبيض و الكل ديوك
ديب قال يوم انا ملك الغابه
و الباقيين دول هيش و غلابه
قاله الأسد انت هتتغابا
حد يصدق برضو ديابه
توكتوك نفسه يكون مقطوره
عيل نفسه يكون أسطوره
و الميه بتقطع ف نافورة
غنوة ايه .. بص العصفورة
تهييسه و لازم تتقال
كار المغنى دا لم عيال
و اهو كله برنس و شغال
مين بيقاوم سحر المال
