مصلوب ياقلبي بجدارك المايل
والوحده فيك خير سبيل
قبلت الذل ١٠٠مره
ف بقيت اعيش حياتي ذليل
وساكته دايما وبطنش
وبداري دايما اوجاعي
خبيت الكسر ف عيوني
ف لاقيت الكسر ف دراعي
وقطع عميق ف اوتاري
سكنت الكل ف قليبي
ف بقيت اعيش انا بناري
وعمري عدي بقا مسافات
ربطت نفسي ف ساقيه
ف بقيت اعيش لفات
بلف وحدي وبطولي
بضحك دايما وبمثل
ولعبت دوري البطولي
مبقتش عارفه طريق راحتي
ف بكتم دايما وبداري
وببكي دايما ف كراستي
واناجي الليل ف يواسي
ويحضن حضن كله سُكات
حياتي عباره عن فترات
وتملي دايما قص ولزق
وكل ماألحم خيط مقطوع
تملي بلاقي مرار ف الحلق
واشتياق لك ف عز الليل
فبحلم بيك وبنادي
ومهما طال ف يوم بُعدَك
عُمر فراقك ماكان عادي
رسمتك قلب ع جروحي
تشوفه الخلق تتمناه
شربت البُعد ف كفوفك
وف بُعدك مبقاش لي حياه
