و مستغرب انا جدا
و بستغرب انا فعلا
و فين و ازاى
و قولى جاى او مش جاى
طبيعى .. انى اتكلم و تتكلم و نتعاتب
تكون فرحان .. تكون زعلان
و اشوفك حلم ف القارب
و نتقابل ..
و تبقا للكلام قابل
و انا سائل
لو انت حتى مش سائل
لكن نفضل …
و نتكلم و نتعاتب
منيش مجنون
و انا عارف بانك برضو مش مجنون
لكنى انام و بيننا سلام
و اصحى ادور انا ف الكون
انا مش فاهم ايه حصلك و ايه حصلى
و من يومها
و قلبى سألنى ايه حصلى
اقوله يا قلبى راح و لا جاش و لا قالى
ف قلبى يقولى .. اتمناله كل الخير
و ريح عقلك المجهد من التفكير
و متدروش على تفسير
و ادعى و انت بتصلى
تفوت ايام وراها ايام
و اشوفك تانى انا صدفه
كأنه كابوس
لكنه حقيقه مش اوهام
و بتسلم
و ايدك ف السلام خايفه
و مش هسال و اقولك مين
ماهو باين
بانه ماضى جاله حنين
بقا حاضر ..
و فجأه بقيت انا ماضى
و فقت عرفت ف ساعتها بأنى كانلى دور محدود
و أن فى غيرى ف الكواليس
بيتحضر .. بقا جاهز .. بقا موجود
انا الكومبارس اللى ملوش و لا تحيه
سيناريو ايه .. دا انا صفحه و مطويه
و ف حياتك مكنتش لحظه حقيقيه
انا جايز .. انا يمكن
انا اللى كنت لجروحك..لغاية ما الشفا يجى
مخدر غالى و مسكن
