الشعر

مبترجعيش?

الشاعر⁦✍️⁩ / خالد صبحى?

للشاعر :خالد صبحى

مبترجعيش
عشان من قلبى حبيتك
رضيت وقبلت اتعذب
وكون ف البعد لو ترضى
انا مرضى
واكون قبلك
وانا عاشق عنيكى السود
وقلبى ودود
يكون سابقك
مدام للبعد حنيتى
وقلبك بجنحات بيطير
وقلبى فقير
لكن عاشقك
صحيح الهجر علمنى
وسايب ف حشا علامات
وقلبى رغم ما كرهنى
لكن سابنى
هجرنى ومات
انا ف بعدك صحيح عايش
لكن درويش
وقبلك ليه ف احلامى
متسالنيش
عشان قلبى حمل همه
ونازف م الهوى دمه
وحاسب كل دقاته
متستغليش
ولملمتى اللى فاض منى
وخدتى حتى احلامى
وشيلتى الشيله. بالكيلة
متتوصيش
ولو خادع كده نفسى
انا نفسى
مبتلمنيش
ولا مرة قالت حاسب
عشان حبك ده زى بحور
وروحى تدور
اكون غارق
انا مفارق
مش انتى برضه نويتى الهجر
وانا والصبر
نتعارك
وعشمنى الطريق بيكى
اشوف السكة ف عنيكى
ولا ترديش
طب بس ليه
مبترجعيش

اظهر المزيد
شاهد أيضاً
إغلاق
زر الذهاب إلى الأعلى