ليه ياورد
ياورد أسيبك يومين…..
أرجع ألاقيك دبلان؟
ماكنش قصدي أنساك…
ولا إنك تموت عطشان.
كل الحكايه مشيت….
والقلب كان تعبان.
أو يمكن عشان حسيت…
بمراره الخذلان.
ياورد عملوك مرسال…
تخاطب القلب والوجدان
ومين ماروحتش له….
رق في ساعتها ولان.
ياورد فهمهم….
الحب زي الورد….
بده يعيش في أمان.
محتاج عشان يكبر…
يشرب هدوء وحنان.
الحب مش إننا….
ندبح قلوب بعضنا…
وندوس كمان وكمان.
فيه كلام بوقت الغضب…
يثور كما الطوفان.
وكلمه من قسوتها….
تهد وتحطم كياااان….
ياورد احمر بلون الدم
ابيض بلون الطهر الحنان…..
خليك بلسم يداوي جراح
ومرارة الحرمان….
يا ورد……
منال سعيد
