راجع تانى لجل ما تزود حيرتى.
ما خلاص خلصت حكايتك
وحكايتى
مش كنا…………….فضيناها سيرة
كنت فكراها…………..قصة جميلة
لعبت فيها…………دور المخدوعة
متوهمه………بقصة حب ممنوعة
وأتكتب فيها……….سطر لنهايتى
ليه جى تجدد………….من عذابى
و تحكى………………فى اللى مات
وتقولى ندمان……على اللى فات
سيبك أنت كل ده أصبح ذكريات
يعنى نسيانك……..هو كل غايتى
لسه ح عيش تجربتى معاك تانى
وأتألم وينزف….جرحى من تانى
لا والله…مابقاش عندى استعداد
حكايتك خلاص. طويتها
صبحت ذكرى….ونسيتها
والامر مكانش عليا سهل
بلعكس كان اجتهاد
عشان اشترى…الباقى من حياتى
رووح ونسانى
وأنسى كمان مكانى
ولا عايزة أشوفك
ولا حتى تانى فى أحلامى
وجرحى بايدى……….أنا ح أعرف
ازاى اداويه
ولو حكمت بأيدى
ح أخنق كل نبضة فيه
**********
قلب حائر
بقلم/ هويدا عبد الرحمن
