نتلاقي
دوام الحال محال جدا
وحبك شئ ملوش قوانين
هنتفارق ده شئ جايز
لكن لينا في قلوبنا حنين
فلا عايزة ولا عايز
نزيد في البلة ميه وطين
كفايه م الهموم تحويش
كفايه شبعنا م التلطيش
منمناش مرة يوم ع الريش
وما بين العاشقين مساكين
ونتلاقي عادتها الدنيا سراقة
فنرجع تاني و بايدها
بلحظه سرقة م الايام
ونفس الكرة بنعيدها
كأن الدنيا زي الجسم
واحنا الدم في وريدها
فنتسابق علي رضاها
فتضحك ضحكتين خابثين
كضحكة غدر عداها
كما المجانين
و اتاري الدنيا نداهه
ومش عارفين تودي لفين
وتنده تاني ونجيبها
ونركع ليها ونعيبها
تبيعنا الف من تاني
ولكن برده ما نسيبها
فنتلاقي وتاني الدنيا بتاخدنا
نقرب حبتين او لا
حكاية تانية ما بأيدنا
نسابق في الحياة بالزق
نعافر فيها تكبدنا
ونفس الساقية دوارة
ونفس النفس امارة
تطوحنا علي الكسرة
فنرجع تاني بخسارة
ونتلاقي كمان تارة
ولسه الساقية دوارة
ونتلاقي عمال افتكرك واتقطع
واقول الاه
والدمعه اللي بعيني بتدبح
ولا مليون اه
في عيونك ليا مقام مبني
بس انا مولاه
وانا هنوي اصليلك جمعة
واموت لك سبت
يا دموع الكبت اللي بتظهر
في القلب شقاه
حنيت لك والله يا صبية
وحنيني كفيف
وايامي الصعبة معدية
لو كنتي معاه
هنتلاقي ياريت جايز
فراقك ع السنان جازز
ومجري الدمع شق العين
وانا فراقك مانيش عايز
