صباح البعد…
ولما البعد يتحكم في همس الروح..
ولما الشوق.. يكون مجروح..
يكون مدبوح..
ولما حنيني جوايا ينادي عليك…
ولما صحاري أحلامي بتشتاق ليك..
وتستنى مطر همسك يخضرها…
وكلمة حب من قلبك تفتح نبت أزهارها..
وبسمة من سنين عمرك تعيد لحياتي أنوارها..
صباح البعد..
صباح البعد متحكم في ملامحنا…
في أنفاسنا… في أرواحنا..
صباح مخنوق من الذكرى..
ومن خوفي لأكون فاكرة..
وهكدب ليه وأدراي عليك؟؟
أكيد حاسس بشوقي إليك..
أكيد سامع ندا قلبي ودقاته..
أكيد زارك في أحلامك صدى نَفَسي..
بهمساته وصرخاته..
أكيد فاكر ملامح نبضي جوا عنيك..
ولما ناديت من الأول…
… بحبك …
رد قلبي عليك..
صباح البعد..
ولما البعد يشتاقلك..
وينده لك..
ويحلفلك بمليون وعد..
بإنك في البعاد أغلى..
ومرك في البعاد يحلى..
وإن حنيني على حاله..
وحافظ العهد…
صباح البعد..
#عبير_مصطفى
