طفلة في ملعـــب الألـــوان
تعيـــش الطفلة الموهوبة بيـــن الألـــوان والرســـم ببـــراءة، و تمارسه بحـــب.. تمســـك الفرشاة بـرشاقة،وساعدها على تطوير قدراتها والدتها..كـــون الأم هي الأخـــرى ترسم..
وعندما بلغت السابعة من عمـــرها، أقيم معرض لرسوماتها تحـــت رعاية مركز قيثارة الثقافي بمركز الطفل للحضارة والإبداع الذي لفت نظري إلى الرســـامة الصغـــيرة..
《انجي تامر جبران 》
تلميـــذة في “مدرسة صن رايز للغات” التحقت بمعهـــد قيثارة للثقافة والفنون سبتمبر 2018 تحت رعاية المدربة” آيه”
وسألت الأم..
☆ متي نشأت العلاقة بينها وبين ورقة الرسم وعلبة الألوان..؟
_بـــدأت عندما كانت في الخمسة مـــن عمـــرها،ومنذ تلك المرحلة المبكرة لفتت نظري ببعض الرسومات البسيطة،المعبرة عن حبها الشديـد للرســـم..كـــانت تـرسم
أفراد الأســـرة، في كل وقـــت تعبيــراً لنا
عـــن حبـــها لنا…مـــرة تــرسم بابها…مرة ترسمني… وأخوها الصغيـــر.
ترسم أيضاً شخصيات كاريكاتير تخيلية، ومناظر طبيعية.
وبدأت الفراشة الرقيقة تتحدث معـــي..
عرفتها بنفســـي ..و أن حديثـــي معها للنشر علي”مـــوقـــع الصحبة نيـــوز” و أيضاً علي صفحـــات “مجلة الصحبـــة الثقافية”
بدأت الكلام قائلة:
《 أنا رسّامة 》
☆إيه أكتـر الحاجــات تحبيــي ترسمها؟
_اكتر حاجة بحب ارسمها الشخصيات الكرتونية والمناظر الطبيعية ..
☆هـــي اللوحات الجميلة ده مين قالك ترسميـــها يا أنجـــي.. ولا من خيالك..؟
_ايوه …اكتر اللوحات أنا اللي فكـــرت فيها
أنا بحب اتخيل شخصيات وارسمها وفي رسومات اتعلمتها من ميس” أيه” زي الأسماك والحيوانات ودلوقتي بتعلم رسم الزهـــور.
☆الرسامة الصغيرة إنجي بتحلم بايه..؟
_حلمـــي ابقى نجمة وفنانة مشهورة.
☆ أكتر لـــون بتحبه الرسامة إنجي ؟
_أكتر لون احبه..أصلا أنا بحب لونين أوي هما pink/ purple.( البنفسجي/ الوردي).
☆ الزهـــرة الصغيرة تحب تطلب ايه..؟
_نفسي اتعلم رسم البورتريه…بحاول فيه بس لسه شوية..
☆ليه حبيتـــي الـــرسم..؟
بحب الرسم علشان بحب الألوان وببقى مبسوطه وأنا ماسكه الفرشة وبرسم و ألون،والرسمه تطلع حلوة وساعات الرسمة ماتكملش في دماغي فاسيبها وأرسم حاجة تانية.
☆مـــا لـــون حجرة الـــرسامة الصغيرة؟
لونها ” pistachio × purple”
(فستقي×بنفسجي)
☆اختاري لوحــة مــن لوحاتـــك واحكي لنا ليه رسمتيها ؟ وخلصت أمتى..؟
_لوحــة Parrot.. (البغبغاء)..
كنت أول مرة أرسم على لوحة الكانفس وهنعرضها في الحفله مع باقي لوحاتي..
وكانت صعبة أوي، وكنت خايفة ما اعرفش أرسمها ..بس” مس آية” فضلت معايا شوية.. شوية لغاية ما عرفت أرسمها بعدين ابتدينا نلونها واخترت الرسمة دي بالذات علشان حبيت ألوانها أوي…..واخدت وقت في رسمها تقريباً 4 أو 5حصص .
☆لو قلت لكي تهديني لوحة تختاري ايه..؟
كـــان سؤال مداعبة مني الحقيقة انجي رقيقة وطريقة كلامها سكر أوي..
_ لوحة الغروب…
ضحكــت … ليه اللوحة ده..
إنجـــي: عشان هي غالية عندي أوي وأنا بحبك..
☆انجي بتحبي ايه تاني غير الرسم؟
ـــ بحب اسمع موسيقي واركـــب خيل
انتهــي الحوار الممتـــع..
على أرض الواقع طفلة لكنها فراشة تفرد أجنحتها وتحلق بـــ(خيالها)الجميع يشهد لها بـــ الموهبة قالوا عنها:شخصية مرحة قيادية.. اجتماعية جداً ..محبوبة.. رقيقة مجتهدة في الدراسة.. مجتهدة بفضل الرعاية والحب الذي يحيطها به أبواها. إنهمـــا يسعيان لتوفيـــر محيط مفعـــم بالحـــب والأمـــن والسعـــادة وهما مثال يحتـــذى به في حســـن التربية، يكرسان حياتهما لتنشئة هذه الموهبة لكـــي تنمو وتزدهـــر… وتصبـــح كما تريـــد رسامة مشهورة.
نشأت علاقة بريئة بينها وبين الطبيعة ..
ترجمت تلك العلاقة على الورق بريشة مبدعة..
فتخرج لنا لوحـــات تخبرنا أنها رسامة الغـــد المشـــرق.
المحاورة/ منال محمد سناء
هامش_________________________
عزيزي القارئ…
*نقلت حواري مع الرسامة الصغيرة إنجي
بنفس ما دار بدون تعديل وتدخل مني..
وبنفس الكلمات ….
قمت أنا فقط بترجمة بعض الكلمات التي نطقت باللغة الانجليزية…
*شرح معني مصطلح( Canvas) هو قماش يصنع من القطن أو الكتان ثم يحضر ويؤسس للرسم والتلوين، فيدهن بمادة بيضاء تسمى ( الجيسو ) فيشد على الخشب.. ويمتاز قماش كانفس بأنه يدوم أطول، ولا يتلف من استعمال الماء و إمكانية معالجة الأخطاء عليه بسهولة.
وقد تم استخدامه منذ القرن الرابع عشر في إيطاليا..
