هيا العيال مالها مبقتش تتنطط ؟
حتى السحاب من كام شتا نشفان ..
ومعادش بينقط ..
حصل انخفاض بغباء
في مستوى العلاقات
أوكسيتوسين في الدم لكنه مبيفرزش
مش لاقي حاجه تحفزه لجل انه يوم
يهتم !
الغدر زي السم ..
مدسوس ومتوفر اوي
والوضع حقا غير سوي
واقع مليئ بالإخفاقات
في التسعينات ،
كان في سعاده مرفرفه رغم المرار
كان في هزار ..
كان م الطبيعي يوماتي
انك تبتسم
كازيون في وش الخلق
ضد الافوره
من غير ضرايب تكتسب ع الضحك
من غير ضرايب تكتسب ع الفرح
مش عايز اطول ف الشرح
لكني مش مبسوط
في ضغوط كتير نتجت
اقبال شديد ع الموت
والحزن بقا سايد أوي . !
#أشهد
