( أمى)
زى النهارده رجعت البيت من غيرك
البيت اللى خرجت منه ومعايا خيرك
وخيرك مش بس مادة دى سلوك ومبادء
زرعتيهم جوانا من لما كان سننا بادء
أزاى نحب الناس ونحب بعضينا
والدنيا قصيرة ومش ديما بقيه لينا
سمحينى يا اما مستحملتش فراقك
فرقت كتير فى الحزن محدش فاقك
قويه وسط الناس وبقول فى نصايح
ولما اكون لوحدى بالبكا صوتى صايح
قلولى معملتيش كده لما مات أبوكى
مكتبتيش قصيده واحدة والناس لاموكى
قولتلهم لما مشي أبويا خد منى عين واحدة
وفى امى الدنيا أسودت ومافيش ولا واحده
نور العيون أختفى وأنا ماشية بنور قلبي
قلبي اللى فيه حبكم وبيكم هو حبلى
وأطمنى يااما أنا مسكه فى الحبل بذمه
وفى يوم معلوم هجيلك وتزول الغمه
وصدقينى يااما فى يوم هتلمى طيرك
وأنسي ان زى النهاردة رجعت البيت من غيرك
( نوال غريب)
