استاذي الالماني
كانت أكبر مشكلة في البداية هي إيجاد سكن علي مدار اسبوعين اتنقل بين الهوستلات الي ان انتهي الحال في ليلة احتفال hafen festival ان ارتفع كل الأسعار وكانت محجوزة مسبقا فلا يوجد أي مكان اقل من ١٠٠ يورو فقضيت ليلة تعيسة في محطة القطر. المشكلة الأكبر هي انه مش عارف اعمل اي اوراق ولا افتح حساب في بنك لان مليش سكن مسجل به ففي اليوم ١٥ وجد استاذي الالماني علي وجهي وارهاق فسالني فاطلعته اني هرجع مصر كمان يومين او هروح مدينة تانية هقعد مع حد صاحبي لحد ما اشوف هقعد فين في هامبورج لان كده فلوسي هتخلص ومعنديش حساب في بنك يتحولي عليه فلوس المنحة وتعبت. لم يرد وسكتنا وبدءت فعلا اكلم ابويا وقلت له انا هرجع مش مبسوط ومعنديش استعداد اتبهدل تاني زي ماحصل في كوريا قالي ارجع احسن وكلمت د هشام شرف المشرف علي رسالتي وقلت له انا هرجع آخر الاسبوع كان احساس بالخوف من تكرار الم وبهدلة كانت مرة في كوريا حلي مرارها الكوريين الطيبين لكنها كانت مؤلمة فعلا. اقتطع كل هذه الهواجس مكالمة من السكرتيرة تعالي تيلو عايزك ودار هذا الحوار.
لو سمحت بعد كده لو عندك اي مشكلة حتي لو شخصية ومحتاج مساعدتي كلمني بدون تردد انا كلمت والدي يشوف سكن ليك من بداية الشهر عند أحد أصدقاءه ومن النهارده لاخر الشهر هتسكن في منزل ٥ دقايق مشي للمستشفي وده عقد انك ساكن عندي في البيت اعمل به تسجيل وافتح حساب في البنك وفيه فلوس انا سبتهالك في ظرف مغلق عند السكرتيرة خليها معاك وبعد ما تفتح حساب في بنك رجعها في اي وقت واخيرا لو احتجت اي شيء انا لست رئيسك في العمل انا صديقك وعندك اجازة اسبوع تسترخي وتعرف البلد وترتب امورك وتفكر بهدوء بعدها لو تحب ترجع مصر مفيش مشكلة بالنسبة لنا
بعد شكره رفضت حكاية الفلوس فقالي انا هسيبهم مع هاك السكرتيرة لو احتجتهم خدهم منها واسترجعتني الذاكرة لاستاذي الكوري فكانت نفس مشاعره وإحساسه بالمسؤولية تجاهي
اللهم اجعلنا مقبولين….
